Innlent

Allt að tíu vagnar bilaðir: Hafa hugsan­lega ekki þolað miklar leysingar

Sunna Kristín Hilmarsdóttir skrifar
Strætisvagn í miklum vatnsflaum á höfuðborgarsvæðinu í síðasta mánuði. Bilunina má hugsanlega rekja til leysinganna.
Strætisvagn í miklum vatnsflaum á höfuðborgarsvæðinu í síðasta mánuði. Bilunina má hugsanlega rekja til leysinganna. vísir/ernir

Á milli átta og tíu strætisvagnar hafa bilað hjá Strætó bs. í gær og í dag með þeim afleiðingum að það hefur þurft að fella niður ferðir á leiðum 12, 14 og 28. Vagnarnir eru aðeins tveggja ára gamlir að sögn Guðmundar Heiðars Helgasonar, upplýsingafulltrúa Strætó.

Grunur leikur á að þegar miklar leysingar voru á höfuðborgarsvæðinu fyrir nokkrum vikum hafi vatn komist inn á svokallaða IBS-ventla í vögnunum og þeir ekki þolað það.

Unnið er hörðum höndum að viðgerð á vögnunum en bíða þarf eftir varahlutum í einhverja þeirra. Einnig er verið að skoða í tengslum við framleiðanda vagnanna hvort mögulega sé um galla að ræða en vagnarnir eru enn í ábyrgð.

Guðmundur segir að bilunin gæti haft áhrif á háannatíma í fyrramálið þó að vonast sé til að svo verði ekki. Nýir vagnar eru síðan væntanlegir til verktaka Strætó og fara þeir á götuna á mánudag.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira