Viðskipti erlent

Ættingjar Fridu Kahlo ósáttir við Barbie-dúkku sem byggð er á henni

Sunna Kristín Hilmarsdóttir skrifar
Frida Kahlo er ein þeirra kvenna sem ný lína Barbie er byggð á.
Frida Kahlo er ein þeirra kvenna sem ný lína Barbie er byggð á. skjáskot af vef mattel

Ættingjar mexíkóska listmálarans Fridu Kahlo eru ósáttir við Barbie-dúkku sem byggð er á málaranum en Mattel, fyrirtækið sem framleiðir Barbie, hefur gefið út nýja línu af dúkkum undir heitinu Inspiring Women, eða „Konur sem veita innblástur.“ Er dúkkan sem byggð er á Kahlo ein þeirra.

Í frétt BBC segir að fjölskylda Kahlo telja Mattel ekki eiga rétt á því að búa til Barbie-dúkku byggða á henni en bæði fyrirtækið og Frida Kahlo Corporation, sem á höfundarréttin að nafni og ímynd listamannsins, hafna því að ekki hafi mátt búa til dúkkuna.

Kahlo er einn þekktasti listamaður Mexíkó og vakti ekki aðeins athygli fyrir list sína heldur einnig útlit. Kahlo lést árið 1954 og síðan þá hefur ímynd hennar verið ýmsum innblástur í ýmissi vöruhönnun, allt frá tékíla yfir í varagloss.

Þetta er því ekki í fyrsta sinn sem notkun á nafni og ímynd Kahlo fyrir vörur hefur reitt ættingja hennar til reiði.

„Mara Romeo, frænka Fridu Kahlo, er eini eigandi réttarins að ímynd mexíkóska málarans,“ sagði fjölskyldan í yfirlýsingu en Romeo segir að málið snúist ekki bara um höfundarrétt.

„Ég hefði viljað að dúkkan líktist Fridu meira en þessi dúkka er með svo ljós augu,“ sagði hún.

Mattel kveðst hins vegar vera með rétt til þess að búa til dúkkuna. Fyrirtækið hafi unnið náið með Frida Kahlo Corporation að verkefninu og það hafi bæði leyfi og samning þess efnis að það megi búa til dúkkuna.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
HEIMA
3,6
4
34.130
ORIGO
3,41
11
64.165
HAGA
3,34
9
116.729
FESTI
3,23
14
192.368
SIMINN
3,2
19
269.039

Mesta lækkun dagsins


Félag
Br.%
Fjöldi
Velta*
ICEAIR
-3,39
97
445.720
GRND
0
2
1.506
MARL
0
23
231.586
EIM
0
11
201.996
Velkomin á Vísi. Þessi vefur notar vafrakökur. Sjá nánar.