Innlent

Stöðuvatn við Stórhöfða

Tryggvi Páll Tryggvason skrifar
Bílar hafa lent í vandræðum í vatnselgnum.
Bílar hafa lent í vandræðum í vatnselgnum.
Tveir vöruflutningabílar eru fastir í miklum vatnselg í iðnaðarhverfinu í Stórhöfða eftir að niðurföll stífluðust í óveðrinu sem gengið hefur yfir í morgun.

Hreiðar Ingi Eðvarðsson birtir myndband á Twitter þar sem sjá má að stöðuvatn hefur myndast á hluta Stórhöfða og bílastæði þar í grennd.

Í samtali við Vísi segir Hreiðar að stöðuvatnið sé nú í rénum eftir að starfsmenn borgarinnar mættu á svæðið til þess að losa um niðurföll.

Mikill vatnselgur er á götum á höfuðborgarsvæðinu. Þetta kemur fram í tilkynningu frá lögreglunni á höfuðborgarsvæðinu en þar segir að slökkvilið, björgunarsveitir og sveitarfélög séu að vinna í að losa um vatnið, hreinsa frá niðurföllum og dæla vatni burt.

Lögreglan tekur fram að sú vinna muni taka tíma og eru vegfarendur beðnir um að fara mjög gætilega. Hafa margir lent í því að drepa á bílum í djúpu vatni með tilheyrandi vandamálum.


Tengdar fréttir




Fleiri fréttir

Sjá meira


×