Veiði

Yfir 20 veiðisvæði komin í sölu

Karl Lúðvíksson skrifar
Fallegur urriði á bakkanum
Fallegur urriði á bakkanum Mynd: Atli Bergman

Það er aðeins rétt rúmur mánuður í að veiðin hefjist og það skal engin velkjast í vafa um það að veiðimenn og veiðikonur landsins eru farin að hlakka til komandi tímabils.

Það er þess vegna ekki úr vegi að skoða hvað er í boði af lausum leyfum fyrir komandi sumar.  Veið erum aðeins farin að kíkja í kringum okkur og telja upp eitt og annað af spennandi leyfum sem eru komin í sölu.  Hjá Veiða.is eru nú yfir 20 svæði komin á sölu á vefnum hjá þeim og óhætt að segja að það sé úr mörgu að velja.  Meðal svæði sem eru í boði má kannski helst nefna Eystri Rangá en komandi tímabil verður það fyrsta eftir stórauknar sleppingar á gönguseiðum, þ.e.a.s. fyrsta tímabilið þar sem von er á skilum úr þeim sleppingum og það verður mjög spennandi að sjá hvernig fyrstu dagarnir verða í ánni.

Silungsveiðileyfi eru einnig ansi fjölbreytt hjá þeim en meðal svæða sem er boðið uppá má nefna Fremri Laxá, ósasvæði Laxár á Ásum, urriðasvæðin í Mýrarkvísl og Hlíðarvatn í Selvogi en það vatn er líklega án vafa eitt vinsælasta silungsvatn á landinu.  Þú getur skoðað úrvalið á vefnum hjá þeim hér.
 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira