Fótbolti

Semedo kærður fyrir tilraun til manndráps

Henry Birgir Gunnarsson skrifar
Semedo í leik gegn Barcelona í desember. Það var líklega hans síðasti leikur með Villarreal.
Semedo í leik gegn Barcelona í desember. Það var líklega hans síðasti leikur með Villarreal. vísir/getty
Hinn portúgalski varnarmaður Villarreal, Ruben Semedo, mætti fyrir dóm á Spáni í gær þar sem hann var formlega kærður fyrir tilraun til manndráps.

Semedo var einnig kærður fyrir þjófnað, árás og vörslu ólöglegra skotvopna.

Varnarmaðurinn var handtekinn á þriðjudag grunaður um að hafa rænt öðrum manni í slagtogi við félaga sína. Þeir eru sagðir hafa bundið manninn sem þeir rændu og gengið í skrokk á honum.

Semedo á nokkuð langa ofbeldissögu og ef hann hlýtur dóm í þessu máli er ferli hans hjá Villarrel lokið. Hann hefur aðeins spilað fimm leiki fyrir félagið síðan hann kom þangað frá Sporting síðasta sumar.


Tengdar fréttir

Semedo handtekinn fyrir mannrán

Ein helsta vonarstjarna Portúgala í fótboltanum, Ruben Semedo, er á einhverri undarlegri vegferð í lífinu en hann situr nú í fangelsi grunaður um mannrán.




Fleiri fréttir

Sjá meira


×