Lífið

Geta unnið skoðunarferð með Game of Thrones-leikara um Ísland

Birgir Olgeirsson skrifar
Nikolaj Coster-Waldau og Jerome Flynn í Game of Thrones.
Nikolaj Coster-Waldau og Jerome Flynn í Game of Thrones. IMDB

Game of Thrones-leikarinn Jerome Flynn mun leiða heppna aðdáendur um tökustaði þáttanna hér á landi. Greint er frá þessu á vef alþjóðlegu hvalfriðunarsamtakanna Whale and Dolphin Conservation sem stendur fyrir þessu uppátæki þar sem markmiðið er að afla fjár fyrir samtökin og vekja athygli á málstaðnum.

Flynn leikur Bronn í Game of Thrones og segist leikarinn vera hvalfriðunarsinni. „Ég er spenntur fyrir því að fá að hjálpa samtökunum og bjóða einhverjum á nokkra tökustaði Game of Thrones í þessu fallega landi,“ segir Bronn í tilkynningu á vef samtakanna um málið.

Vinningshafi happdrættisins má bjóða einum með sér í ferðina en þar verða ekki aðeins tökustaðir Game of Thrones skoðaðir heldur verður einnig farið í hvalaskoðunarferð.

Til að taka þátt í happdrættinu þarf að lágmark að styrkja samtökin um tíu dollara. Vinningshafinn fær ferðalög og gistingu greidda og ef vinningshafinn kemur auga á háhyrning sem enn hefur ekki fengið nafn, fær hann að nefna hann. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.