Sport

Kærastan þín lítur út eins og hestur

Henry Birgir Gunnarsson skrifar
Nickerson pakkaði Colby saman með góðu hestagríni.
Nickerson pakkaði Colby saman með góðu hestagríni. vísir/getty
Hataðasti maðurinn í UFC, Colby Covington, er ekkert hættur að safna mannskap sem er til í að hata hann af innlifun. Hann er óstöðvandi í að móðga allt og alla.

Covington náði ákveðnum hápunkti er honum tókst að móðga brasilísku þjóðina í heild sinni og þurfti í kjölfarið á lífvörðum að halda. Hann slapp lifandi úr landi.

Um nýliðna helgi var Covington í stuði til þess að móðga og gekk þá allt of langt að allra mati. Það finnst enginn sem segir að þessi hegðun sé í lagi.





Andstæðingur hans í veltivigt UFC, Mike Perry, var þá að berjast í Orlando og kærastan hans, tenniskonan Danielle Nickerson, var í horninu hjá honum og heyrðist vel til hennar öskra tilmæli til kærastans.

Covington sá það og hjólaði sér á Twitter. Sagði að kærastans hans liti út eins og hestur og það væri ekki það gáfulegasta að vera með hana sem þjálfara. Perry tapaði bardaganum.

Fjölmargir hneyksluðust á þessum móðgunum Covington og létu hann heyra það. Þar á meðal aðrir UFC-kappar sem sögðu hann hafa gengið allt of langt að þessu sinni.

Nickerson lét ruslakjaftinn ekki raska ró sinni og gerði grín að öllu saman á Instagram. Rothögg segja einhverjir.



 
Just Horsing Around

A post shared by Danielle Nickerson (@platinumprincessofficial) on Feb 26, 2018 at 3:04pm PST

Perry og Nickerson eru skemmtilegt par.vísir/getty
MMA

Tengdar fréttir




Fleiri fréttir

Sjá meira


×