Viðskipti erlent

Segir Bandaríkin óttast samkeppni

Þórgnýr Einar Albertsson skrifar
Richard Yu, forstjóri Huawei.
Richard Yu, forstjóri Huawei. Vísir/AFP

Bandarískir stjórnmálamenn og leyniþjónustustofnanir hafa undanfarið horft grunsemdaraugum til kínverska snjallsímarisans Huawei og sagt fyrirtækið njósna um eigendur símanna fyrir kínversk yfirvöld. Meðal annarra hafa forstöðumenn leyniþjónustunnar CIA, alríkislögreglunnar FBI og þjóðaröryggisstofnunarinnar NSA varað við þessu.

„Þeir eru að reyna að gera þetta póli­tískt og vilja halda okkur úti af því við erum of sterk samkeppni. Þeir hafa áhyggjur af okkur, við erum of sterk,“ sagði Richard Yu, forstjóri Huawei, við BBC í gær.

Yu sagði af og frá að Huawei hefði nokkur sérstök tengsl við kínverska ríkið eða kínverska leyniþjónustu. Fyrirtækið væri einkarekið og viðvörun Bandaríkjamannanna væri einungis pólitísks eðlis.

Þá sagði Yu enn fremur að fyrirtækið stækkaði á hverju ári. Innan fimm ára yrði það ráðandi afl á heimsmarkaði og myndi brjóta sér leið inn á Bandaríkjamarkað. „Við gætum vel orðið stærst í heiminum, við erum ekki svo langt frá því,“ sagði Yu en í fyrra var markaðshlutdeild Huawei tíu prósent á heimsmarkaði samanborið við 23 prósenta hlutdeild Samsung og 15 prósent Apple.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
MARL
1,05
12
288.871
HEIMA
0,89
2
3.501
SYN
0,63
2
71.280
VIS
0,54
1
6.587
SIMINN
0,37
6
253.143

Mesta lækkun dagsins


Félag
Br.%
Fjöldi
Velta*
GRND
-0,62
4
68.377
EIK
-0,25
2
512
HAGA
-0,22
5
74.697
SKEL
-0,14
7
269.324
REITIR
0
2
59.947
Velkomin á Vísi. Þessi vefur notar vafrakökur. Sjá nánar.