Hófst allt sem lítið skólaverkefni

12. febrúar 2018
skrifar

Hin 23 ára gamla Danielle Cathari hefur svo sannarlega fengið mikla athygli á tískuvikunni í New York. Þar kynnti hún nýjustu línuna sína fyrir Adidas, sem seldist upp á örfáum klukkutímum. 

En hvernig byrjaði ævintýrið? Danielle var enn í fatahönnunarnámi sínu þegar hún tók þátt í lítilli tískusýningu, þar sem hún hafði tekið í sundur gamlar Adidas-flíkur og saumað þær aftur saman. Í kjölfarið hafði Adidas samband við hana og bauð henni á fund í höfuðstöðvunum í Þýskalandi, og úr varð samstarf. 

Kendall Jenner og Hailey Baldwin eru aðdáendur, og sýndu ásamt öðrum á sýningunni í New York. Danielle og Adidas hafa byggt upp mjög stóran fylgjendahóp á samfélagsmiðlum, sem hefur án efa hjálpað mikið til við sölu línunnar. En eftir allt saman þá er línan klæðileg, töff og fersk, og við hefðum alveg getað hugsað okkur nokkrar flíkur. Uppháu útvíðu buxurnar við stuttu peysuna, og gallajakkinn eru mjög skemmtilegar flíkur. 

Svo er alltaf gaman þegar ungt fólk kemur sér áfram í tískuheiminum, og fær Adidas mikið hrós fyrir að nálgast þetta á þennan skemmtilega hátt með Danielle.










 
@adidasOriginals #adidasOriginalsbyDanielleCathari
A post shared by Daniëlle Cathari (@daniellecathari) on


 
@adidasoriginals #adidasOriginalsbyDanielleCathari
A post shared by Daniëlle Cathari (@daniellecathari) on


 
Already more than a year ago, but good things are coming soooon
A post shared by Daniëlle Cathari (@daniellecathari) on


 
for @officemagazinenyc
A post shared by Daniëlle Cathari (@daniellecathari) on