Handbolti

Svona var stemmningin þegar KA og Akureyri börðust síðast um bæinn

Óskar Ófeigur Jónsson skrifar
KA-mönnum var dæmdur sigur í fyrri leiknum.
KA-mönnum var dæmdur sigur í fyrri leiknum. Vísir/Ernir

Handboltaliðin frá höfuðstað Norðurlands, Akureyri og KA, mætast í kvöld í mikilvægum leik í toppbaráttu Grill 66-deildar karla.

Það er ekki aðeins montrétturinn undir í kvöld heldur einnig toppsæti Grill 66-deildarinnar.

Þetta eru líka liðin sem spiluðu undir sama merki síðustu ár en slitu samstarfi fyrir núverandi tímabil með talsverðum látum í fjölmiðlum.

Við þetta bætist síðan að fyrri leikurinn endaði á kæru þar sem KA var dæmdur 10-0 sigur þar sem Akureyrarliðið notaði ólöglegan leikmann.  

Það munar síðan aðeins einu stigi á liðunum á toppi Grill 66-deildar karla, Akureyri er með 21 stig og KA hefur 20 stig. Næsta lið er síðan þremur stigum á eftir KA-mönnum.

Fyrri leikurinn endaði með 19-19 jafntefli fyrrir fram fullt KA-hús. KA var dæmdur 10-0 sigur en þetta er eina tap Akureyrarliðins í deildinni í vetur.

Hér fyrir neðan má sjá útsendingu frá fyrri leiknum og þar má sjá þá frábæru stemmningu sem var í KA-húsinu í október.



Leikurinn í kvöld hefst klukkan 19.30 en húsið opnar 18.00. KA-menn leggja á áherslu á það við stuðningsmenn sína að mæta snemma til að fá sæti því þegar liðin mættust í KA-heimilinu í haust komust færri að en vildu. 1200 manns sáu leikinn.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.