Lífið

Stjörnur sem yfirgáfu Hollywood fyrir venjuleg störf

Stefán Árni Pálsson skrifar
Margir frábærir listamenn.
Margir frábærir listamenn.

Það er draumur margra að meika það og slá í gegn í Hollywood. Draumur margra er að verða heimsfrægur leikari, tónlistarmaður eða jafnvel atvinnumaður í íþróttum.

Á vefsíðunni Variety er búið að taka saman lista yfir tólf einstaklinga sem tóku þá ákvörðun að yfirgefa Hollywood og reyna fyrir sér á hinum almenna vinnumarkaði.

Hér að neðan er hægt að kynnast nokkrum af þessum tólf manneskjum.
 

Amanda Bynes hætti í bransanum árið 2010.

Amanda Bynes

Bynes var vinsæl barnastjarna sem kom oft fram í þáttum úr smiðju Nickelodeon.

Hún lék til að mynda í All That, She’s the Man, What I Like About You og Easy A ásamt Emmu Stone.

Í dag einbeitir hún sér að því að starfa við fatahönnun.

Holmes í The Little Rascals.

Brittany Ashton Holmes

Brittany Ashton Holmes lék Darla í kvikmyndinni The Little Rascals sem kom út árið 1994. Eftir að hafa komið fram í nokkrum sjónvarpsþáttum á næstu árum.

Hún ákvað í framhaldinu að fara í nám í stjórnmálafræði og vinnur á þeim vettvangi í dag.

Hook var gríðarlega vinsæl mynd sem kom út árið 1991.

Charlie Korsmo

Charlie Korsmo lék eitt af aðalhlutverkunum í myndinni Hook með Robin Williams og Dustin Hoffman.

Steven Spielberg leikstýrði kvikmyndinni og var um að ræða algjöra stórmynd.

Eftir hans hlutverk í kvikmyndinni ákvað hann að hætta í leiklist og starfar í dag sem lögfræðingur. Hann stundaði nám við MIT og Yale.

Lloyd hætti árið 1982.

Danny Lloyd

Danny Lloyd lék Danny Torrance í kvikmyndinni The Shining ásamt Jack Nicholson.

Lloyd hætti í leiklistinni árið 1982 og starfar í dag sem prófessor í líffræði.

Hackman hætti að leika árið 2004.

Gene Hackman

Hackman hætti í leiklistinni árið 2004. Hans síðasta hlutverk var í Welcome to Mooseport en hann lék í þeirri kvikmynd með Ray Romono.

Í dag starfar hann sem rithöfundur. Hackman hefur leikið í mörgum kvikmyndum á sínum ferli og hefur hann unnið til Óskarsverðlauna í tvígang.

Gleeson var frábær í GOT.

Jack Gleeson

Jack Gleeson er þekktastur fyrir hlutverk sitt sem Joffrey Baratheon í þáttunum vinsælu Game of Thrones.

Eftir að karakter hans var myrtur í þáttunum árið 2014 ákvað hann að hætta í leiklistinni og einbeita sér einungis að náminu.

Cohen var flottur í The Goonies.

Jeff Cohen

Jeff Cohen fór með hlutverk Chunk í kvikmyndinni The Goonies sem margir muna eflaust eftir.

Árið 1991 ákvað hann að stíga til hliðar og yfirgefa Hollywood.

Hann starfar í dag sem lögfræðingur í Beverly Hills.  

Johnathan Taylor Thomas hefur komið fram í mörgum þáttum og kvikmyndum.

Johnathan Taylor Thomas

Jonathan Taylor Thomas kom fyrst fram á sjónarsviðið þegar hann lék rödd Simba í kvikmyndinni The Lion King.

Síðar fékk hann hlutverk í gamanþáttunum Home Improvement sem Tim Allen.

Thomas hefur komið víða við en hann ákvað fyrir stuttu að hætta í leiklistinni og fór í nám í Harvard, Columbia, og  háskólann í St. Andrew’s í Skotlandi.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.