Flugeldasýning hjá City í Sviss

Manchester City lenti í engum vandræðum með Basel í fyrri leik liðanna í 16-liða úrslitum Meistaradeildar Evrópu í kvöld. Lokatölur í Sviss urðu 4-0 sigur enska liðsins.

Það voru ekki liðnar nema átján mínútur þegar staðan var orðin 2-0. İlkay Gündoğan kom City yfir á 14. mínútu og fjórum mínútum síðar tvöfaldaði Bernardo Silva forystuna.

Sergio Aguero vildi ekki vera minni maður og fimm mínútum eftir mark Silva var hann búinn að koma City í 3-0. Þannig stóðu leikar í hálfleik.

Einungis eitt mark leit dagsins ljós í síðari hálfleik, en það gerði İlkay Gündoğan á 53. mínútu og afar þægilegt verkefni fyrir höndum hjá City þegar liðin mætast í Manchester 7. mars.