Fótbolti

Albert spilaði ekki þegar PSV gerði jafntefli við fyrrum félaga Alberts

Arnar Geir Halldórsson skrifar
Albert í leik með PSV
Albert í leik með PSV vísir/getty
Albert Guðmundsson sat allan tímann á varamannabekknum og horfði á PSV Eindhoven missa niður tveggja marka forystu gegn fyrrum félögum Alberts í Heerenveen.

Santiago Arias og Luuk De Jong komu PSV í 2-0 í fyrri hálfleik en undir lok hálfleiksins fékk Hirving Lozano að líta beint rautt spjald og átti það eftir að reynast dýrkeypt.

Gestirnir nefnilega nýttu sér liðsmuninn og jöfnuðu metin í síðari hálfleik með mörkum frá Stijn Schaars og Reza Ghoochannejhad.

PSV missti því af tækifæri til að ná tíu stiga forystu á toppi deildarinnar og Ajax getur því minnkað forystuna niður í fimm stig með sigri á Zwolle á morgun.




Fleiri fréttir

Sjá meira


×