Bílar

Toyota, Nissan og VW seldust vel í janúar í Bandaríkjunum

Finnur Thorlacius skrifar
Toyota CH-R seldist vel vestanhafs í janúar og fyrirtækið seldi í heild 17% meira en í fyrra.
Toyota CH-R seldist vel vestanhafs í janúar og fyrirtækið seldi í heild 17% meira en í fyrra.

Þegar sölutölur eru komnar í hús hjá öllum stærri bílaframleiðendum í Bandaríkjunum sést að Toyota, Nissan og Volkswagen eru sigurvegarar mánaðarins. Toyota náði ef til vill eftirtektaverðasta árangrinum og var með 17% aukningu, en reyndar var söluaukningin enn meiri hjá Volvo, eða 60,5% en þar á bakvið eru aðeins 5.567 bílar, en 167.056 bílar hjá Toyota. Einnig gekk vel hjá systurmerkinu Lexus sem seldi 17.914 bíla og jók söluna um 15%.

GM heldur ennþá titlinum söluhæsti framleiðandinn með 198.548 selda bíla og 1,3% aukningu milli ára. Í öðru sæti er Ford með 160.411 bíla en 6,3% minni sölu en í fyrra. Toyota var í þriðja sæti og seldi eins og áður sagði 167.056 bíla og aukningin 16,8%. Næst kemur Fiat Chrysler með 132.803 bíla en 12,8% minnkandi sölu. Þá kemur Nissan Group með 123.538 bíla og 10% aukningu og svo Honda með 104.542 bíla og 1,7% minnkun. Þar á eftir kemur svo Subaru með 44.537 bíla og 1,1% aukningu, svo Hyundai 41.243 bíla og 11,3% minnkun og Kia með 35.628 bíla og salan stendur í stað.

Í tíunda sætinu er svo Mercedes Benz með 27.603 selda bíla og 1,1% minnkun. Í 11. sæti er Mazda með 24.962 og 15% aukningu og þar á eftir Volkswagen með 24.744 bíla og 6,7% aukningu. Svo koma þýsku lúxusbílamerkin BMW með 21.953 bíla og Audi með 14.511. BMW jók söluna um 3,5% og Audi 9,9%. Í 15. sæti er svo Jaguar Land Rover með 9.050 bíla og 0,6% minnkun.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.