Körfubolti

Martin besti maður vallarins í sigri

Ástrós Ýr Eggertsdóttir skrifar
Martin Hermannsson.
Martin Hermannsson. Vísir/Anton
Martin Hermannsson átti stórleik í liði Chalons-Reims sem vann sterkan útisigur á Antibes í frönsku úrvalsdeildinni í körfubolta.

Martin var næst stigahæstur í liði Chalons með 23 stig. Þar fyrir utan var hann með 8 stoðsendingar og 3 fráköst. Hann var með 31 framlagspunkt, fleiri en nokkur annar á vellinum.

Leikurinn var í járnum nærri allan tíman, Chalons var yfir með einu stigi eftir fyrsta leikhlutann og liðin skoruðu bæði jafn mikið í öðrum leikhluta svo munurinn var aðeins eitt stig í hálfleik.

Heimamenn í Antibes unnu hins vegar þriðja leikhluta og byrjuðu þann fjórða betur, en þá tóku gestirnir við sér og keyrðu á Antibes og fóru að lokum með tíu stiga sigur, 82-92.




Fleiri fréttir

Sjá meira


×