Bílar

Gott „sánd“ í Nissan Micra

Finnur Thorlacius skrifar
Í höfuðpúðanum eru Bose hátalarar og hljómburðurinn frábær um allan bílinn.
Í höfuðpúðanum eru Bose hátalarar og hljómburðurinn frábær um allan bílinn.

Hljómburðurinn sem BOSE Personal hljómtækin í Nissan Micra búa yfir þykir svo einstakur að í sameiginlegri lesendakönnun sem þýsku tímaritin Auto Bild og Computer Bild létu gera voru hljómtækin í Micra kosin þau bestu sem boðin eru í þessum stærðarflokki bíla. Í Þýskalandi velja 37% kaupenda Micra BOSE Personal með nýja bílnum.

Þetta eru fyrstu meiriháttar verðlaunin fyrir BOSE í Micra en lesendur tímaritanna veittu því hæstu einkunn fyrir framúrskarandi hljómgæði og tengimöguleika. Kerfið er m.a. búið sex hátölurum, þar af tveimur Ultra-Nearfield™ hátölurum í höfuðpúða ökumanns. Það er einnig tengt afþreyingarkerfinu Nissan Connect sem hægt er að samþætta snjallsímum.

Helen Perry, framkvæmdastjóri smábílaframleiðslu Nissan í Evrópu, segir að í fáum löndum eigi sér stað jafn gróskumikið frumkvöðlastarf í bílaiðnaði og í Þýskalandi þar sem atvinnugreinin sé auk þess einna þróuðust í heiminum. Hún segir að því séu þessi verðlaun sem Nissan hljóti fyrir BOSE í Micra einstaklega mikils virði og mikilvæg viðurkenning fyrir þá miklu vinnu sem hönnuðir BOSE og Nissan lögðu í þróun hljómflutningskerfisins fyrir nýjan Micra.

BOSE Personal sem hannað var sérstaklega fyrir innréttingu Nissan Micra markar á vissan hátt nýjan staðal sem leiðandi kerfi í þessum bílaflokki. Styrkur, breitt tíðnisvið og staðsetning hátalaranna í innréttingunni gera það að verkum að hljómurinn drefist jafn um farþegarýmið og hefur kerfið enga þörf fyrir sérstakan bassahátalara. Hjá BL er BOSE Personal staðalbúnaður í Nissan Micra Tekna en auk þess er hægt að panta kerfið sérstaklega með Nissan Qashqai og X-Trail.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira