Bílar

Nýr Santa Fe lítur dagsins ljós

Finnur Thorlacius skrifar
Töluverð ytri breyting er á bílnum.
Töluverð ytri breyting er á bílnum.

Hyundai Motor hefur birt fyrstu myndina af nýrri og enn glæsilegri kynslóð fjórhjóladrifna sportjeppans Santa Fe sem frumsýndur verður formlega síðar í þessum mánuði. Santa Fe er flaggskip Hyundai og endurspeglar alla helstu styrkleikana sem Hyundai býr yfir við þróun bíla í þessum flokki.

Þessir styrkleikar birtast ekki síst í miklum vinsældum mismunandi gerða sportjeppa Hyundai meðal almennings víða um heim þar sem ný, fjórða kynslóð Santa Fe fer fremst í flokki með mesta vélaraflinu og rýminu ásamt vandaðri hönnun í sérflokki. Myndin sem nú borist af Santa Fe endurspeglar m.a. nýtt útlit framenda fólksbíla Hyundai sem fyrst birtist í Kona sem kynnt var seint á síðasta ári.

Heildaryfirbragð á útliti bílsins er kröfugt og endurspeglar fjölbreytta getu Santa Fe við mismunandi aðstæður. Eins og sjá má á mynd úr rúmgóðu og vönduðu farþegarýminu getur þar einnig að líta ýmsar nýjungar sem við fáum að kynnast betur þegar bíllinn verður kynntur formlega síðar í febrúar. Santa Fe verður síðan áberandi á bílasýningunni sem hefst í Genf í byrjun mars.

Mikið lagt í innréttinguna á nýjum Santa Fe.


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.