Íslenski boltinn

Böðvar seldur frá FH til Póllands

Tómas Þór Þórðarson skrifar
Böðvar fagnar með FH-liðinu.
Böðvar fagnar með FH-liðinu. vísir/ernir
Böðvar Böðvarsson, vinstri bakvörður FH, hefur verið seldur frá Hafnafjarðarliðinu til Jagiellonia Bialystok í Póllandi. Frá þessu greina FH-ingar á Twitter-síðu sinni.

Jagiellonia Bialystok hafnaði í öðru sæti pólsku úrvalsdeildarinnar á síðustu leiktíð og er sem stendur í fjórða sæti eftir 21 umferð á yfirstandandi tímabili.

Böðvar hefur áður farið út í atvinnumennsku en hann var lánaður til Midtjylland í byrjun árs 2016. Hann hefur verið einn besti leikmaður FH undanfarin misseri.

Þessi öflugi bakvörður á að baki 84 deildar- og bikarleiki með FH en hann varð meistari með liðinu 2015 og 2016.




Fleiri fréttir

Sjá meira


×