Enski boltinn

Birkir spilaði allan leikinn í sigri Aston Villa | Toppliðið tapaði

Arnar Geir Halldórsson skrifar
Birkir Bjarnason er búinn að vinna sér inn sæti í byrjunarliði Aston Villa
Birkir Bjarnason er búinn að vinna sér inn sæti í byrjunarliði Aston Villa vísir/getty
Birkir Bjarnason lék allan leikinn fyrir Aston Villa sem vann öruggan 3-1 sigur á Barnsley en öll fjögur mörk leiksins voru skoruð á fyrstu 20 mínútunum. Birkir spilaði á þriggja manna miðju Villa og átti góðan leik.

Villa fór með sigrinum upp fyrir Aron Einar Gunnarsson og félaga í Cardiff í 3.sæti deildarinnar en Cardiff á útileik gegn Sheffield Wednesday nú síðdegis.

Jón Daði Böðvarsson lék allan tímann sem fremsti maður Reading þegar liðið tapaði 0-1 fyrir Brentford. Reading að berjast í neðri hluta deildarinnar og er nú aðeins fjórum stigum frá fallsæti.

Þá urðu óvænt úrslit þegar topplið Wolverhampton Wanderers tapaði á heimavelli gegn Nottingham Forest, 0-2. Leeds United er í frjálsu falli þessa dagana og tapaði enn einum leiknum þegar liðið fékk Millwall í heimsókn í dag. Lokatölur 3-4. Leeds í 10.sæti og hefur ekki unnið leik á þessu ári.




Fleiri fréttir

Sjá meira


×