Enski boltinn

Sturridge vill fara til Sevilla

Arnar Geir Halldórsson skrifar
Daniel Sturridge hefur líklega leikið sinn síðasta leik fyrir Liverpool
Daniel Sturridge hefur líklega leikið sinn síðasta leik fyrir Liverpool vísir/getty
Enski sóknarmaðurinn Daniel Sturridge er á förum frá Liverpool en Jurgen Klopp, stjóri Liverpool, hefur gefið Sturridge leyfi til að ræða við önnur félög.

Vitað er af áhuga frá Inter Milan og Sevilla en samkvæmt nýjustu fréttum frá Englandi vill Sturridge fara til Sevilla sem situr um þessar mundir í sjötta sæti spænsku úrvalsdeildarinnar.

Liverpool hefur sett 35 milljón punda verðmiða á Sturridge en þessi 28 ára gamli framherji gekk til liðs við Liverpool í ársbyrjun 2013 fyrir 12 milljónir punda.

Hann var um tíma aðalmaðurinn í sóknarleik Liverpool en hefur ekki fengið mörg tækifæri að undanförnu.




Fleiri fréttir

Sjá meira


×