Veiði

Mikið sótt í urriðaveiðina á Þingvöllum

Karl Lúðvíksson skrifar
Mynd frá 2017 þegar fjórir urriðar voru þreyttir á sama tíma og sleppt á sama tíma að lokinni baráttu.
Mynd frá 2017 þegar fjórir urriðar voru þreyttir á sama tíma og sleppt á sama tíma að lokinni baráttu. Mynd: Fish Partner

Veiðisumarið 2018 hefst eftir rétt rúma tvo mánuði og sem fyrr byrjar tímabilið yfirleitt á því að veiðimenn kasta flugu fyrir sjóbirting og urriða.

Veiðisvæðin við Kirkjubæjarklaustur og nágrenni er mjög vinsæl á hverju ári hjá þeim sem ætla sér í sjóbirting en eins má nefna önnur svæði sem njóta mikilla vinsælda og eru oft gjöful en þar eru til dæmis Laxá í Kjós, Litlaá í Keldum og Húseyjarkvísl svo nokkur séu nefnd.  Vinsældir veiðisvæða þar sem veiðimenn eiga möguleika á stórurriða hafa að sama skapi aukist mikið og er svo komið að það er að verða uppselt á vinsælustu svæðunum.

Við könnuðum aðeins málið hjá Fish Partner en þeir eru með nokkur vinsælustu svæðin í Þingvallavatni á sínum snærum og það er óhætt að segja að þessi veiði séu eftirsótt en þar er allt að verða uppselt svo þeir sem hafa hug á að komast í stórurriðann þurfa að fara bóka daga.  Við Þingvallavatn eru Fish Partners með  Villingavatnsárós, Svörtukletta, Villingavatn og Kárastaði á sínum snærum.  Ion svæðið sem er án efa vinsælasta svæðið er á vegum Iceland Outfitters og það er sama sagan þar, eftirspurn er mikil og fáir dagar eftir.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira