Innlent

Heimilt að veiða fleiri hreindýr á þessu ári

Atli Ísleifsson skrifar
Veiðitími tarfa er frá 1. ágúst til og með 15. september, en veiðitími kúa frá 1. ágúst til 20. september.
Veiðitími tarfa er frá 1. ágúst til og með 15. september, en veiðitími kúa frá 1. ágúst til 20. september. Vísir/Vilhelm

Guðmundur Ingi Guðbrandsson, umhverfis- og auðlindaráðherra, hefur ákveðið hreindýrakvóta fyrir 2018 og verður heimilt að veiða allt að 1.450 dýr, 1.061 kú og 389 tarfa. Um er að ræða fjölgun um 135 dýr frá hreindýrakvóta fyrra árs.

Ráðherra ákveður kvótann að fengnum tillögum frá Umhverfisstofnun.

Í tilkynningu  frá Umhverfisstofnun kemur fram að veiðin skiptist milli níu veiðisvæða. Mörk þeirra og fjöldi dýra á hverju svæði verða tilgreind nánar í auglýsingu sem birtist í Lögbirtingablaðinu.

„Heimildirnar eru veittar með fyrirvara um að ekki verði verulegar breytingar á stofnstærð fram að veiðum sem kalli á endurskoðun veiðiheimilda. Jafnframt er ráðuneytið með í skoðun hugsanleg áhrif kúaveiða á kálfa og álag og áhrif þeirra sem mögulega getur haft áhrif að ákvarðanatöku um veiðitíma til framtíðar. 

Veiðitími tarfa er frá 1. ágúst til og með 15. september, en þó getur Umhverfisstofnun heimilað veiðar á törfum frá og með 15. júlí. Veiðitími kúa er frá 1. ágúst til 20. september.

Veturgamlir tarfar eru alfriðaðir og miðast tarfaveiði því við tveggja vetra og eldri tarfa. Óheimilt er að veiða kálfa,“ segir í tilkynningunni.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.