Enski boltinn

Mike Riley útskýrir hvernig afskipti myndbandadómara verða

Óskar Ófeigur Jónsson skrifar
Mike Riley fylgist vel með Jon Moss í viðtali.
Mike Riley fylgist vel með Jon Moss í viðtali. Vísir/Getty

Fleiri dómaraaugu verða á fótboltaleikjum í framtíðinni og hluti þeirra mun njóta góðs af myndbandsupptökum. Tæknin er nú orðin stór hluti af fótboltadómgæslu.

Enskir knattspyrnuáhugamenn sáu myndbandadómara koma við sögu í undanúrslitaleik Chelsea og Arsenal í enska deildabikarnum í gærkvöldi.

Dómari leiksins fékk þá skilaboð frá myndbandadómara um hvort um víti væri að ræða eða ekki. Hann dæmi ekki víti og markalaust jafntefli varð niðurstaðan.

Mike Riley, yfirmaður dómaramála í enska boltanum, fór stuttlega yfir það  með BBC í hverju starf myndbandadómara verður fólgið nú þegar það fjölgar leikjum í enska boltanum með þá til staðar.

Það smá sjá útskýringu Mike Riley hér fyrir neðan.


Myndbandadómararnir komu fyrst við sögu í bikarleik Brighton og Crystal Palace 8. janúar síðastliðinn og þeir verða einnig notaðir í aukaleikjum í þriðju umferð enska bikarsins.

Markmið númer eitt verður að stytta tímann sem það tekur að fara yfir upptökur af atvikunum en í því hefur gagnrýnin verið háværust hingað til.

Það má líka heyra á Mike Riley að myndbandadómararnir munu ekki láta heyra í sér nema um augljós mistök sé að ræða hjá dómurum leiksins. Það fara því engin vafamál fyrir myndbandadómarana.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira