Viðskipti innlent

Kristján ráðinn framkvæmdastjóri eTactica

Daníel Freyr Birkisson skrifar
Kristján Guðmundsson, nýr framkvæmdastjóri eTactica.
Kristján Guðmundsson, nýr framkvæmdastjóri eTactica. eTactica

Kristján Guðmundsson hefur verið ráðinn framkvæmdastjóri eTactica ehf., en Kristján hefur verið tæknistjóri félagsins frá 2015.

Á undanförnum árum hefur verið ráðist í umfangsmiklar skipulagsbreytingar á tæknisviði, og mikil framþróun náðst í tækni félagsins, en eTactica selur vörur sem gerir fyrirtækjum kleift að skilja og bæta orkunotkun sína.

Þá hefur eTactica undanfarið aukið samstarf sitt við íslenska hugbúnaðarfyrirtækið Activity Stream, sem hefur þróað sérstaka útgáfu af hugbúnaði sínum fyrir vélbúnað eTactica.

Þá segir í tilkynningu að stjórn eTactica og Eggert Benedikt Guðmundsson hafi nú komist að samkomulagi um að Eggert Benedikt láti af störfum sem forstjóri eTactica.

Kristján segir markaðsstöðu eTactica nú vera sterkari en nokkurn tímann áður. Hann segist auk þess fullur tilhlökkunar að takast á við nýtt verkefni og að nú sé mikið sóknartækifæri.

Aðaláherslur í frekari uppbyggingu eTactica eru á sölu- og markaðsstarf félagsins.

Kristján Guðmundsson er með doktorsgráðu í reiknilegri straumfræði frá tækniháskólanum í Kaliforníu (CalTech). Kristján hefur unnið á ýmsum sviðum eftir að námsferlinum lauk, m.a. við þróun vatnshreinsibúnaðar hjá sprotafyrirtæki í Hollandi, og sem söluráðgjafi hjá hugbúnaðarfyrirtækinu Quintiq.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
N1
0,96
2
33.174
SJOVA
0,47
2
2.649
HEIMA
0
1
199
SKEL
0
3
2.060
ORIGO
0
1
1.052

Mesta lækkun dagsins


Félag
Br.%
Fjöldi
Velta*
ARION
-4,09
2
367
SIMINN
-2,16
5
83.516
ICEAIR
-1,34
23
102.891
EIM
-1,21
5
41.193
EIK
-0,8
4
9.689