Innlent

Gæslan sá um sjúkraflug vegna veðurs

Samúel Karl Ólason skrifar
Í tilkynningunni segir að til marks um veðurofsann hafi hraði þyrlunnar á leið til Vestmannaeyja verið 88 hnútar, eða 162 kílómetrar á klukkustund. Á leiðinni til Reykjavíkur og þá í meðvindi náði þyrlan allt að 190 hnúta hraða sem samsvarar um 352 kílómetrum á klukkustund.
Í tilkynningunni segir að til marks um veðurofsann hafi hraði þyrlunnar á leið til Vestmannaeyja verið 88 hnútar, eða 162 kílómetrar á klukkustund. Á leiðinni til Reykjavíkur og þá í meðvindi náði þyrlan allt að 190 hnúta hraða sem samsvarar um 352 kílómetrum á klukkustund. Vísir/Ernir

Þyrlu Landhelgisgæslunnar var flogið til Vestmannaeyja í dag til að flytja sjúkling á sjúkrahús í Reykjavík. Beiðni frá Neyðarlínunni barst til Landhelgisgæslunnar á tólfta tímanum í dag þar sem sjúkraflugvél gat ekki flogið vegna veðurs.

Í tilkynningu frá Landhelgisgæslunni segir að TF-LIF hafi verið flogið í lítilli hæð um Þrengsli og svo með suðurströnd landsins. Þegar hún kom til Eyja um eittleytið hafi veðrið verið mjög vont og aðflug krefjandi. Vindmælir þyrlunnar sýndi 35 metra hviður við lendingu.

Allt fór þó að óskum og gekk vel að flytja sjúklinginn til Reykjavíkur og svo á Landspítalann.

Í tilkynningunni segir að til marks um veðurofsann hafi hraði þyrlunnar á leið til Vestmannaeyja verið 88 hnútar, eða 162 kílómetrar á klukkustund. Á leiðinni til Reykjavíkur og þá í meðvindi náði þyrlan allt að 190 hnúta hraða sem samsvarar um 352 kílómetrum á klukkustund.

Þá var þyrlan einnig notuð til að sækja veikan sjómann um borð í íslenskt fiskiskip á Deildargrunni norðvestur af landinu í gær.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira