Enski boltinn

Guardiola: Ég elska Anfield

Ástrós Ýr Eggertsdóttir skrifar
Pep Guardiola er með örugga forystu á toppi úrvalsdeildarinnar
Pep Guardiola er með örugga forystu á toppi úrvalsdeildarinnar vísir/getty

Pep Guardiola fer inn í stórleik helgarinnar með vaðið fyrir neðan sig, en Manchester City mætir á Anfield þar sem Jurgen Klopp og lærisveinar hans í Liverpool taka á móti þeim.

„Við vitum hversu flóki það er að fara á Anfield, en vonandi getum við sýnt hverjir við erum. Það eina sem ég vil frá leikmönnum mínum er að þeir berjist,“ sagði Guardiola.

Viðureign þessara liða á Anfield á síðasta tímabili fór 1-0 fyrir Liverpool. Nú er hins vegar annað City lið sem mætir á Anfield, lið sem ekki hefur tapað leik á Englandi á tímabilinu og er með 15 stiga forskot á toppi deildarinnar.

„Að sjálfsögðu geta þeir gert tilkall til titilsins. Að fara til Liverpool er alltaf erfitt. Það er alltaf áskorun að sanna sig á stóra sviðinu.“

„Ég elska Anfield. Það er alltaf skemmtilegt að koma á stóra sviðið og ég mun njóta þess að vera þarna á sunnudaginn,“ sagði Guardiola.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira