Fótbolti

Messi með frábært mark í enn einum sigrinum

Anton Ingi Leifsson skrifar
Messi býr sig undir að skrúfa boltann í netið.
Messi býr sig undir að skrúfa boltann í netið. vísir/getty
Barcelona heldur áfram að gera gott mót í spænsku úrvalsdeildinni í knattspynru og það breytti litlu þótt að liðið lenti 2-0 undir gegn Real Sociedad. Barcelona vann að lokum 4-2.

Sociedad komst í tveggja marka forystu, með mörkum frá Willian Jose á 11. mínútu og Juanmi á 34. mínútu, en Paulinho minnkaði muninn fyrir hlé.

Luis Suarez jafnaði svo metin á 50. mínútu og Úrúgvæinn var aftur á ferðinni á þeirri 71. þegar hann kom Barcelona yfir.

Það var svo argentíski töframaðurinn sem skoraði síðasta mark leiksins á 85. mínútu þegar hann skoraði frábært mark beint úr aukaspyrnu.

Þannig fóru leikar, 4-2, og Barcelona er með níu stiga forskot á Atletico Madrid sem er í öðru sætinu. Þeir hafa ekki tapað leik á tímabilinu, unnið 16 og gert þrjú jafntefli.

Sociedad er í fimmtánda sæti.




Fleiri fréttir

Sjá meira


×