Viðskipti innlent

Gert að greiða skaðabætur eftir keðjuverkandi áhrif óveðurs

Daníel Freyr Birkisson skrifar
Ekki var fallist á sýknukröfu flugfélagsins.
Ekki var fallist á sýknukröfu flugfélagsins. vísir/vilhelm

Héraðsdómur Reykjavíkur hefur dæmt flugfélagið WOW air til þess að greiða tveimur farþegum tæplega 48 þúsund krónur hvor um sig auk vaxta vegna tafa á flugferð frá London til Keflavíkur í lok árs 2016.

Óveður um morgun olli töfum um kvöld
Farþegarnir áttu flug með WOW air frá London til Keflavíkur þann 19. desember 2016 kl. 19:50 og var gert ráð fyrir lendingu hér heima kl. 23:25. Fór svo að flugið tafðist um 219 mínútur og flaug vélin frá London kl. 23:29 og lenti 3:23. Segir í bréfi frá félaginu að ástæða tafarinnar hafi verið óveður í Keflavík um fyrr um morguninn sem olli því að vélin fór seinna af stað. Í bréfinu segir að veðrið hafi neytt flugrekendur til þess að kyrrsetja vélar sínar og aðstæðurnar því óviðráðanlegar. Þar af leiðandi væri félagið laust undan bótaskyldu.

Vísuðu til niðurstaðna Evrópudómstólsins
Krafa stefnenda byggði á meginreglum skaðabótarréttar á skaðabótalögum og reglugerð um skaðabætur og aðstoð handa farþegum í flugi sem neitað er um far eða flugi þeirra aflýst, seinkað, flýtt eða vegna tapaðs farangurs eða tjóns á honum. Einnig var vísað til reglugerðar Evrópuþings og ráðsins (EB) um sameiginlegar reglur um skaðabætur og aðstoð handa farþegum sem er neitað um far þegar seinkun verður eða flugi aflýst. Var farið fram á að WOW air greiddi hvorum farþega skaðabætur að fjárhæð 47.483 kr.

Þá vísaði lögmaður stefnenda til fjölda svipaðra mála er fóru fyrir Evrópudómstólinn. Eru þónokkur fordæmi fyrir því að flugfélögum hafi verið gert að greiða farþegum skaðabætur vegna tafa eða aflýstra fluga.

WOW air byggði sýknukröfu sína á því að skilyrði skaðabótaskyldu væru ekki uppfyllt. Þá segir einnig í sýknukröfunni að „bótareglur“ reglugerðar 261/2004 „skorti með öllu lagastoð í íslenskum rétti“.

Tekin var skýrsla af deildarstjóra flugumsjónar WOW air sem sagði að óveðrið um morguninn hafi komið af stað keðjuverkun sem varð þess valdandi að flugið tafðist um kvöldið. Það hafi snjóað og ísing fest á bæði flugvelli og flugvélum sem gerði þjónustuaðilum erfitt fyrir.

Eiga von á áfrýjun
Var það niðurstaða dómsins að óviðráðanlegar aðstæður sem valda seinkun flugs leiði ekki sjálfkrafa til þess að seinkun síðari flugferða af sömu orsökum teljist vera af völdum óviðráðanlegra aðstæðna sem ekki hafi verið hægt að afstýra. WOW air hafi því átt að vera fært að koma í veg fyrir tafir á seinni flugum dagsins þrátt fyrir tafir um morguninn.

Í svari WOW air við fyrirspurn Vísis segir lögmaður flugfélagsins að ekki sé búið að leggjast yfir dóminn í heild sinni en á hann „frekar von á því“ að niðurstöðunni verði áfrýjað. Líklegt þykir að sækja þurfi um áfrýjunarleyfi sökum þess hve upphæðin er lág.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
HAGA
1,25
2
48.600
SKEL
0,66
3
89.276
GRND
0,62
1
16.100
SYN
0,2
3
127.020
MARL
0,13
7
28.952

Mesta lækkun dagsins


Félag
Br.%
Fjöldi
Velta*
ICEAIR
-1,39
10
48.327
VIS
-1,15
3
34.510
TM
-0,52
3
34.622
FESTI
-0,2
1
9.980
EIK
-0,13
1
7
Velkomin á Vísi. Þessi vefur notar vafrakökur. Sjá nánar.