Erlent

Fjórir stungnir til bana í London á nýársnótt

Atli Ísleifsson skrifar
Fimm karlmenn hafa verið handteknir í tengslum við eina árásina sem varð á Larmans Road í hverfinu Enfield.
Fimm karlmenn hafa verið handteknir í tengslum við eina árásina sem varð á Larmans Road í hverfinu Enfield. Vísir/Getty
Fjórir ungir karlmenn voru stungnir til bana í London á nýársnótt. Lögregla í borginni segir að árásirnar hafi ekki tengst innbyrðis.

Í frétt BBC kemur fram að þrír mannanna hafi verið stungnir á gamlárskvöldi og sá fjórði nokkru eftir miðnætti. Þá var annar maður stunginn í enn einni árásinni og er hann talinn í lífshættu.

Fimm karlmenn hafa verið handteknir í tengslum við eina árásina sem varð á Larmans Road í hverfinu Enfield þar sem átján ára maður var stunginn til bana.

Enginn hefur verið handtekinn í tengslum við hinar árásirnar. Þær áttu sér stað á Memorial Avenue í West Ham þar sem tvítugur maður lést, á Norwood Road í Tulse Hill þar sem sautján ára piltur lést og við Bartholomew Court, nærri Old Street lestarstöðinni, þar sem tvítugur maður var stunginn til bana.




Fleiri fréttir

Sjá meira


×