Enski boltinn

„Áttum við skilið að vinna? Mér er alveg sama“

Ástrós Ýr Eggertsdóttir skrifar
Jurgen Klopp
Jurgen Klopp vísir/getty
Jurgen Klopp var að vonum ánægður með sigur sinna manna í Liverpool á Burnley í dag, en Ragnar Klavan skoraði sigurmarkið í uppbótartíma.

Aðeins nokkrum mínútum fyrr hafði Jóhann Berg Guðmundsson jafnað fyrir Burnley og stefndi allt í að liðin myndu skipta með sér stigunum.

„Þetta var mjög erfiður leikur. Við stóðum okkur mjög vel, en veðrið gerði okkur mjög erfitt fyrir,“ sagði Klopp eftir leikinn.

„Burnley er að spila vel en við komum í veg fyrir að þeir gætu spilað eins og þeir vilja. Það tók nokkurn tíma að skora og síðustu tvö mörkin voru mjög svipuð.“

„Áttum við skilið að vinna? Mér er alveg sama, við tókum stigin þrjú,“ sagði Jurgen Klopp.




Fleiri fréttir

Sjá meira


×