Lífið samstarf

Kraftur í íslensku hvönninni

SagaMedia kynnir
Ingibjörg segir að SagaMedica fagni viðbótum við Voxis fjölskylduna.
Ingibjörg segir að SagaMedica fagni viðbótum við Voxis fjölskylduna. MYND/BALDURKRISTJÁNSSON
KYNNING - SagaMedica er íslenskt þekkingarfyrirtæki sem var stofnað árið 2000 og sérhæfir sig í rannóknum á íslenskum lækningajurtum og framleiðslu á náttúruvörum úr þeim. SagaMedica er leiðandi fyrirtæki í sölu náttúruvara hér á landi, en vörurnar eru afsprengi af rannsóknum Sigmundur Guðbjarnasonar, fyrrverandi háskólarektors og eins af stofnendum SagaMedica. Hann hefur rannsakað tugi íslenskra plantna á yfir 25 árum og af þeim hefur íslenska ætihvönnin mestu lífvirknina. Hún er uppistaðan í vörum SagaMedica, en mismunandi hlutar plöntunar innihalda efni með ólíka lífvirkni.

Voxis hálsmixtúra með hvönn og lakkrísbragði.MYND/SAGAMEDICA
Síauknar vinsældir

„Hvönnin hefur mikla sögulega þýðingu fyrir íslensku þjóðina, enda hefur hún skipað stóran sess í samfélaginu sem lækningajurt allt frá landnámstíð,“ segir Ingibjörg Ásta Halldórsdóttir, markaðs- og sölustjóri. „Hvönnin sem SagaMedica notar er m.a. tínd í Hrísey, sem er vistvænt vottuð. Framleiðsluaðferðir SagaMedica eru mjög náttúruvænar og endurspeglar vörulína fyrirtækisins hreinleika.

Viðskiptavinahópurinn hefur stækkað töluvert síðastliðin ár, en dyggur og traustur kjarnahópur hefur notað vörurnar frá upphafi með góðum árangri. Það segir allt sem segja þarf um þessar mögnuðu vörur og virkni þeirra,“ segir Ingibjörg.

„SagaMedica framleiðir og markaðssetur vörur sínar bæði hér heima og erlendis,“ segir Ingibjörg. „Við seljum vörur okkur í Norður- Ameríku, Nýja-Sjálandi, Kanada, Svíþjóð og Finnlandi. Jafnframt glittir í nýja spennandi markaði og tækifæri erlendis sem eru komin langt á veg. Í gegnum árin höfum við víkkað út vörulínu okkar og við erum sífellt að leita nýrra leiða til að þróa vörur sem bæta lífsgæði fólks.“

Voxis hálsmixtúra með hvönn og engiferbragði.MYND/SAGAMEDICA
Bragðgóðar nýjungar í hálsinn

„Við hjá SagaMedica fögnum nú bragðgóðum viðbótum við Voxis fjölskylduna, sem eru þegar komnar á næsta sölustað,“ segir Ingibjörg. „Voxis hálsmixtúra með hvönn og lakkrísbragði annars vegar og Voxis hálsmixtúra með hvönn og engiferbragði hins vegar. Virkilega góðar mixtúrur sem gagnast vel við kvefi, hósta og þurrki í hálsi. Þessi viðbót við vörulínuna kemur á góðum tíma nú þegar kvefpestir láta á sér kræla.

Voxis hálstöflurnar eru svo vinsælustu hálstöflur landsins samkvæmt síðustu mælingum (Nielsen tölur, Gallup á Íslandi),“ segir Ingibjörg. „Þær eru einstaklega bragðgóðar og slá í gegn bæði hjá stórum sem smáum. Voxis hálstöflurnar eru unnar úr laufum hvannarinnar og eru fáanlegar sykurlausar og sykurlausar með engifer.“

SagaPro við ofvirkri blöðru

„SagaMedica býður fleiri áhugaverðar vörur úr hvönn og ber þar helst að nefna SagaPro við tíðum þvaglátum,“ segir Ingibjörg. „SagaPro hentar vel konum og körlum með minnkaða blöðrurýmd og einkenni ofvirkrar blöðru og bætir lífsgæði þeirra. Það hefur sýnt sig að SagaPro fækkar mjög salernisferðum jafnt að degi sem nóttu og bætir svefninn. Ákveðnir lífsstílshópar sækja einnig í auknum mæli í þessa vöru til að geta stundað áhugamál sín án vandkvæða, til að mynda golfarar, hlauparar, göngufólk og hjólreiðafólk.

SagaPro hefur verið á markaðnum síðan 2005 og er eitt mest selda bætiefni á Íslandi. Í Bandaríkjunum hlaut SagaPro svo verðlaunin ,,Besta fæðubótarefnið árið 2013“ frá tímaritinu Better Nutrition og salan í Norður- Ameríku hefur verið að aukast jafnt og þétt síðastliðin þrjú ár,“ segir Ingibjörg.

Voxis-fjölskyldan hefur stækkað.MYND/SAGAMEDICA
Vörn gegn pestum og bætt minni

„SagaVita er önnur vinsæl vara sem gagnast vel til að verja sig gegn vetrarpestum, en auk þess finnst fólki hún mjög orkugefandi og auka afköst,“ segir Ingibjörg. „SagaVita er bæði fáanleg í vökva- og töfluformi.

SagaMemo hefur góð áhrif á minnið en sú vara er unnin úr fræjum hvannarinnar og blágresi,“ segir Ingibjörg. „SagaMemo er notað af fólki sem vill viðhalda heilbrigðu minni.“

Vörur SagaMedica fást í apótekum, heilsubúðum og stærri matvöruverslunum um land allt.






Fleiri fréttir

Sjá meira


×