Bílar

Autoblog á Happy Camper um Ísland

Finnur Thorlacius skrifar
Brunandi á Happy Camper um þjóðvegi landsins.
Brunandi á Happy Camper um þjóðvegi landsins.

Bílavefurinn Autoblog gerði sér ferð hingað til lands í haust til að upplýsa lesendur sína um hvernig er að ferðast á húsbíl um landið fagra. Þeir leigðu sér húsbíl frá Happy Camper og sögðu það kjörna leið til að spara í hótelkostnaði. Í för voru einungis tveir starfsmenn hins ágæta bílavefjar, enda tæplega pláss fyrir fleiri hvað svefnrými varðar í bílnum.

Þeir virtust, líkt og flestir, mjög hrifnir af fegurð landsins og þó svo að bíllinn sem þeir leigðu hafi bilað svo rækilega að koma hafi þurft með annan bíl þá voru þeir þó staddir við Skógafoss og létu þau orð falla að vart væri hægt að verða fyrir svona bilun á fegurri stað.

Eftir för sína um suðurhluta landsins komust þeir Autoblog menn að því að enn betra væri að njóta ferðalagsins um Ísland á skemmtilegra ökutæki og í hógværð sinni nefndu beinskiptan Volkswagen Golf sem góðan kost. Þar á eftir kæmi svo minni og ökuhæfari húsbíll en sá Renault Trafic bíll sem þeir höfðu til afnota frá Happy Camper. Sjá má hluta af upplifun tvímenninganna á Íslandi í myndskeiðinu hér að neðan.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.