Viðskipti erlent

Mark Zuckerberg tekst á við krefjandi áskoranir á nýju ári

Sunna Kristín Hilmarsdóttir skrifar
Mark Zucherberg ræðst ekki á garðinn þar sem hann er lægstur á nýju ári.
Mark Zucherberg ræðst ekki á garðinn þar sem hann er lægstur á nýju ári. vísir/getty

Mark Zuckerberg, stofnandi og forstjóri Facebook, hefur strengt sín áramótaheit fyrir 2018 eins og fleiri. Heitin hans eru þó ef til vill nokkuð frábrugðin áramótaheitum eða markmiðum venjulegs fólks sem strengir gjarnan heit um að hreyfa sig meira á nýju ári, verja meiri tíma með fjölskyldunni og annað í þá veru.

Áramótaheit Zuckerberg fyrir nýja árið, sem hann kallar reyndar áskoranir, eru nefnilega að tækla ýmis vandamál sem steðja að heiminum í dag. Facebook stuðlar að þessum vandamálum í einhverjum tilfellum, en getur að sama skapi að mati stofnandans hjálpað til við að leysa.

Í færslu á Facebook-síðu sinni segir Zuckerberg að hann hafi fyrst farið að setja sér áskoranir fyrir hvert ár árið 2009. Markmiðið með þeim væri að læra eitthvað nýtt.

„Það ár var mikil efnahagskreppa og Facebook var ekki farið að skila hagnaði. Við þurftum að fara að taka það alvarlega að sjá til þess að Facebook hefði varanlegt viðskiptamódel. Þetta var alvarlegt ár og ég setti á mig bindi á hverjum degi til að minna mig á það.

Dagurinn í dag minnir um margt á þetta fyrsta ár. Það er eins og heimurinn sé áhyggjufullur og klofinn og Facebook hefur verk að vinna, hvort sem það er að vernda samfélag frá okkur hatri og misnotkun, verjast afskiptum ríkja eða að sjá til þess að tíma sem varið sé á Facebook sé vel varið,“ segir Zuckerberg í færslunni og bætir við að hans persónulega áskorun fyrir árið 2018 sé að tækla þessi mál og reyna að leysa þau.

„Við munum ekki geta komið í veg fyrir öll mistök eða misnotkun en núna gerum við of mikið af mistökum þegar við reynum að koma einhverju áfram eða koma í veg fyrir að tólin okkar séu misnotuð. Ef við náum árangri á þessu ári þá munum við ljúka árinu 2018 á mun farsælli braut.“

Færslu Zuckerberg má sjá í heild sinni hér fyrir neðan.


Tengdar fréttir

Auðsöfnun hinna ríku fjórfaldaðist á milli ára

Hinir ríkustu verða enn ríkari. Fimm hundruð ríkustu einstaklingar heims högnuðust um billjón dali. Stofnandi Amazon græddi mest og er ríkasti maður heims. Mestur er þó samanlagður vöxtur velda kínverskra milljarðamæringa.

Facebook breytir skattgreiðslum sínum

Fyrirtækið hefur verið gagnrýnt fyrir að greiða út tekjuskatt í gegnum útibú sitt á Írlandi. Nú er von á breytingum og taka þær endanlega gildi árið 2019.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ORIGO
1,14
3
21.345
REGINN
1
3
60.650
HEIMA
0,86
4
52.329
MARL
0,84
15
458.644
N1
0,47
4
63.914

Mesta lækkun dagsins


Félag
Br.%
Fjöldi
Velta*
SIMINN
-0,97
1
506
HAGA
-0,78
3
31.514
REITIR
-0,69
2
19.910
ARION
-0,6
12
14.787
VIS
-0,43
1
1.975