Lífið

Golden Globe 2018: Sigurvegarar næturinnar

Kolbeinn Tumi Daðason skrifar
Nicole Kidman hlaut verðlaun fyrir frammistöðu sína í Little Big Lies. Hún þakkaði Reese Witherspoon, samleikonu sinni í þáttunum, sigurinn. Þáttaröðin hefði ekki orðið nema fyrir vináttu þeirra.
Nicole Kidman hlaut verðlaun fyrir frammistöðu sína í Little Big Lies. Hún þakkaði Reese Witherspoon, samleikonu sinni í þáttunum, sigurinn. Þáttaröðin hefði ekki orðið nema fyrir vináttu þeirra. Vísir/Getty
Golden Globe verðlaunahátíðin fór fram í 75. skipti með pompi og prakt í Beverly Hills í Los Angeles í nótt. #metoo setti svip sinn á hátíðina en konur klæddust upp til hópa svörtu til að sýna samstöðu og heiðra þolendur sem hafa deilt sögum af áreitni, ofbeldi og mismunun.

Fjölmargir karlmenn báru barmmerki sem á stóð „Times up“ til að sýna samstöðu.

Kynnir á hátíðinni var grínistinn Seth Myers en hann opnaði kvöldið á því að bjóða konur, og þá karla sem eftir væru í Hollywood, velkomin.

Þá gerði hann grín að Harvey Weinstein, benti á að hann væri ekki á svæðinu, en fólk ætti ekki að hafa áhyggjur. Hann myndi skrá sig á spjöld sögunnar eftir tuttugu ár eða svo þegar hann yrði fyrsta manneskjan til að verða púuð niður á minningarathöfn Golden Globe.

Atriðið í heild má sjá hér að neðan.

Oprah Winfrey hlaut heiðursverðlaun The Hollywood Foreign Press Association, verðlaun sem kennd eru við Cecil B. DeMille. Vakti ræða hennar mikla athygli en hún sendi ungum stúlkum heima í stofu skilaboð.

„Ég vil að allar stelpur sem eru að horfa núna viti að það er nýr dagur við sjóndeildarhringinn.“

Þakkarræðu Opruh má sjá hér að neðan.

Að neðan má sjá lista yfir verðlaunahafa en það er erlenda pressan sem veitir verðlaunin. Þá fylgja þakkarræður allra verðalunahafa.

Besta dramamynd: Three Billboards Outside Ebbing, Missouri

Besta grínmynd/söngleikur: Lady Bird

Besti leikstjóri: Guillermo del Toro, The Shape of Water

Besta leikkona í dramamynd: Frances McDormand, Three Billboards Outside Ebbing, Missouri

Besti leikari í dramamynd: Gary Oldman, Darkest Hour

Besta leikkona í grínmynd/söngleik: Saoirse Ronan, Lady Bird

Besti leikari í grínmynd/söngleik: James Franco, The Disaster Artist

Besta leikkona í aukahlutverki: Allison Janney, I, Tonya

Besti leikari í aukahlutverki: Sam Rockwell, Three Billboards Outside Ebbing, Missouri

Besta handrit: Martin McDonagh, Three Billboards Outside Ebbing, Missouri

Besta teiknimynd: Coco

Besta erlenda kvikmynd: In the Fade

Besta frumsamda tónlist: Alexandre Desplat, The Shape of Water

Besta frumsamda lag: This Is Me úr The Greatest Showman

Sjónvarpsþættir

Besta dramatíska þáttaröð: The Handmaid’s Tale, Hulu

Besta frammistaða leikkonu í dramatískri þáttaröð: Elisabeth Moss, The Handmaid’s Tale

Besta frammistaða leikara í dramatískri þáttaröð: Sterling K. Brown, This Is Us

Besta sjónvarpsþáttaröð, gamanþættir/söngleikur: The Marvelous Mrs. Maisel, Amazon

Besta frammistaða leikkonu í gamanþáttum/söngleik: Rachel Brosnahan, The Marvelous Mrs. Maisel

Besta frammistaða leikara í gamanþáttum/söngleik: Aziz Ansari, Master of None

Besta þáttaröðin í flokki styttri þáttaraða og sjónvarpsmynda: Big Little Lies, HBO

Besta frammistaða leikkonu í styttri þáttaröð eða sjónvarpsmynd: Nicole Kidman, Big Little Lies

Besta frammistaða leikara í styttri þáttaröð eða sjónvarpsmynd: Ewan McGregor, Fargo

Besta frammistaða leikkonuu í aukahlutverki í styttri þáttaröð eða sjónvarpsmynd: Laura Dern, Big Little Lies

Besta frammistaða leikara í aukahlutverki í styttri þáttaröð eða sjónvarpsmynd: Alexander Skarsgard, Big Little Lies


Tengdar fréttir

Hátíðahöld, glys og glamúr í skugga kynferðisofbeldis

Golden Globe-verðlaunahátíðin verður haldin í kvöld en um er að ræða fyrstu stóru verðlaunahátíðina sem haldin er síðan kynferðisleg áreitni valdamanna í Hollywood var dregin fram í dagsljósið.






Fleiri fréttir

Sjá meira


×