Viðskipti innlent

Kynna fjórðu leiðina við bókun á flugi

Daníel Freyr Birkisson skrifar
Fyrir eru leiðirnar WOW basic, plus og biz.
Fyrir eru leiðirnar WOW basic, plus og biz. vísir/vilhelm
WOW air hefur kynnt nýjan valkost fyrir farþega sína þegar bókað er flug á vegum félagsins og verður nú hægt að velja um fjórar leiðir í stað þriggja sem áður voru í boði.

Nýi valkosturinn heitir WOW comfy og verður hægt að nýta sér hann þegar bókað er flug með félaginu. Í WOW comfy er innifalinn flugmiði, lítið veski, innrituð taska, handfarangur, forfallavernd og sæti með XL eða XXL sætabili.

Sala á þessari nýju þjónustu mun hefjast á næstu dögum en fyrir eru leiðirnar WOW basic, plus og biz.

Engilbert Hafsteinsson, framkvæmdastjóri sölu- og markaðssviðs, segir í tilkynningu frá flugfélaginu að með auknum farþegafjölda og ólíkum viðskiptavinum myndist ólíkar þarfir og hafi WOW air séð tækifæri til þess að þróa þjónustuna enn frekar og hafi því verið ákveðið að bjóða upp á fjölbreyttara úrval fyrir farþega sem ferðast á þeirra vegum.






Fleiri fréttir

Sjá meira


×