Martial og Lingard sáu um Everton | Sjáðu mörkin

Ástrós Ýr Eggertsdóttir skrifar
Manchester United endurheimti annað sæti ensku úrvalsdeildarinnar með sigri á Everton í lokaleik dagsins í ensku úrvalsdeildinni.

Untied sýndi mun betri frammistöðu en liðið hefur gert lengi á Goodison Park í dag og fóru Paul Pogba og Juan Mata þar fremstir í flokki.

Það var markalaust eftir fyrri hálfleikinn og gestirnir frá Manchester komu mun sterkari inn til seinni hálfleiks og heimamenn snertu vart boltann lengi vel framan af hálfleiknum.

Anthony Martial braut ísinn fyrir United á 57. mínútu og Jesse Lingard innsiglaði sigur United á 81. mínútu.

Gylfi Þór Sigurðsson hvíldi allan tímann á varamannabekk Everton. Gylfi hefur oft átt mjög góðan leik þegar hann spilar við United og oftar en ekki sett mark á leikinn, því spurning hvort hann sé eitthvað hnjaskaður fyrst Sam Allardyce kaus að nota hann ekki.

Bein lýsing

Leikirnir






    Fleiri fréttir

    Sjá meira