Bílar

Mercedes Hitlers boðinn upp

Finnur Thorlacius skrifar
Mercedes Benz 770k bíll Hitlers sem boðinn verður upp hjá Scottsdale uppboðshúsinu.
Mercedes Benz 770k bíll Hitlers sem boðinn verður upp hjá Scottsdale uppboðshúsinu. autoblog.com

Vanalega þegar bílar sem hafa verið í eigu frægð fólks eru boðnir upp er um að ræða bíla frægra leikara, tónlistarmanna eða íþróttamanna. Sjaldgæfara er að bílar einræðisherra fortíðarinnar séu boðnir upp en það verður þó gert þann 17. janúar hjá Scottsdale uppboðshúsinu og þá munu áhugasamir berjast um bíl sem var í eigu Adolf Hitlers. Þessi bíll er af gerðinni Mercedes Benz 770K Grosser Open Tourer og af árgerð 1939.

Hluti söluverðsins sem fást mun fyrir bílinn mun renna til uppfræðslu á hryllilegri herför Hitlers og þeirri ógæfu sem hún færði milljónum manna. Þessi tiltekni Mercedes Benz 770K bíll var notaður af Hitler og öðrum SS foringjum og margir gestir þýska foringjans sátu í þessum bíl í viðhafnarheimsóknum. Ennfremur var hann talsvert notaður sem einn bíla í viðhafnarsýningum Nasista á árunum 1939 til 1941.

Bíllinn er með brimvörn á botnplötunni og í hliðunum og framrúðan er einnig skotheld. Einnig var hægt að reisa upp hlífðarplötu fyrir aftan aftursæti bílsins til að verjast árás aftan frá. Vél bílsins er 7,7 lítra og 8 strokka vél sem skilaði heilum 230 hestöflum, sem taldist mikið afl á þessum árum. Bíllinn er beinskiptur með 5 gíra kassa. Bíllinn var gerður upptækur af bandamönnum í lok stríðsins, en ekki kemur fram hver er skráður hinn raunverulegi eigandi hans nú.

Mælaborð bílsins vandaða.


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira