Jólalegur kampavínskokteill

21. desember 2017
skrifar

Það er alltaf góðs viti að bjóða upp á góðan fordrykk á svona hátíðartímum. Hér er einn jólalegum fullur af búbblum - og að sjálfsögðu má með auðveldum hætti gera hann óáfengan með því að skipta víninu út fyrir til dæmis cider. 

Það sem þú þarft í drykkinn er:

1 flaska gott kampavín/freyðivín eða cider
1 1/2 tsk hunangs - og engifersíróp
1 1/2 tsk perumauk
Síðan er drykkurinn skreyttur með salvíulaufi

Ef tíminn er nægur er auðvitað langbest að búa til sitt eigið perumauk, með smá sítrónusafa, vatni og kanil. Afhýðið peruna og skerið hana í bita, og setjið í kringum 4 matskeiðar vatn og eldið í 10-12 mínútur, og maukið síðan með töfrasprota. Smakkið til með smá kanil og sítrónusafa.

Hunangs- og engifersírópið er mjög auðvelt að búa til en til þess þarf einungis sykur, salt, ferskt engifer og hunang. Notið sama hlutfall fyrir vatnið og sykurinn, hálfan dl sykur á móti hálfum dl af vatni.

Blandið saman perumauki, hunangs- og engifersírópi í glas og fyllið síðan glasið með kampavíni.

Skál!