Bíó og sjónvarp

Gagnrýnendur tæta í sig nýjustu mynd Will Smith

Birgir Olgeirsson skrifar
Will Smith og Joel Edgerton leika aðalhlutverkin í Bright.
Will Smith og Joel Edgerton leika aðalhlutverkin í Bright. Netflix
Gagnrýnendur hafa flestir rifið í sig í nýjustu mynd bandaríska leikarans Will SmithBright. Um er að ræða mynd sem streymisveitan Netflix framleiðir en hún er sögð hafa kostað 90 milljónir dollara, eða um 9,5 milljarða íslenskra króna. 

Myndin gerist í hliðstæðum veruleika þar sem ævintýraveru lifa við hlið mannfólks. Will Smith leikur lögreglumann sem fær Orka sem félaga en í sameiningu þurfa þeir að finna töfrasprota sem ansi margir girnast. Komist sprotinn í rangar hendur gæti það þýtt endalok jarðarinnar.

Leikstjóri myndarinnar er David Ayer, sá hinn sami og leikstýrði ofurhetjumyndinni Suicide Squad en hann hefur einnig leikstýrt myndum á borð við seinni heimstyrjaldar myndinni Fury og löggumyndunum End of Watch og Sabotage

Þessi mynd er tilraun Netflix til að framleiða hasarmynd á stórum skala en David Ehrlich, gagnrýnandi Indiewire, kallar hana verstu mynd ársins 2017.

David Ayer birti tíst um dóm Ehrlich þar sem hann sagðist ætla að hengja hann upp á ísskápinn sinn. „Mesta hrósið fæst ef viðbrögðin eru mikil í aðra hvora áttina. Þetta er rosaleg gagnrýni.“

„Til eru leiðindi og eitthvað sem er lélegt. Síðan ertu með Bright, kvikmynd sem er svo hrikalega léleg að Repúblikanir munu eflaust reyna að koma henni í lög yfir jólafríið,“ sagði Ehrlich um myndina.

Noel Murray hjá Los Angeles Times segir Bright vera góða hugmynd sem hefði mögulega geta virkað ef um væri að ræða tíu þátta fjölskylduvæna seríu. Þess í stað var ákveðið að gera tveggja tíma langa ofbeldisfulla og orðljóta mynd sem gerist í ævintýraheimi. 

Peter Debruge hjá Variety var einn þeirra jákvæðu en hann er á því að kenna eigi þessa mynd við háskóla, svo góð er hún.

Myndin fær 6,7 í einkunn á IMDB þegar þetta er ritað, fær 30 prósent í gagnrýnendaeinkunn á vef Rotten Tomatoes á meðan um 90 prósent þeirra 2.000 áhorfenda sem gáfu henni einkunn sögðust hrifnir af henni.






Fleiri fréttir

Sjá meira


×