Körfubolti

Ellefu sigrar hjá meisturunum í röð

Ingvi Þór Sæmundsson skrifar
Kevin Durant skoraði 33 stig fyrir Golden State.
Kevin Durant skoraði 33 stig fyrir Golden State. vísir/getty

Golden State Warriors skaust á topp Vesturdeildarinnar í NBA með sigri á Los Angeles Lakers, 113-106, í nótt. Þetta var ellefti sigur liðsins í röð.

Kevin Durant skoraði 33 stig fyrir Golden State og tók auk þess sjö fráköst og gaf sjö stoðsendingar. Jordan Bell var með 20 stig og 10 fráköst.

Fimmtíuogeitt stig James Harden dugði Houston Rockets ekki til sigurs gegn Los Angeles Clippers. Lokatölur 118-128, Clippers í vil.

Austin Rivers skoraði 36 stig fyrir Clippers og Lou Williams kom með 32 stig af bekknum. Harden bar af í liði Houston, skoraði 51 stig og gaf átta stoðsendingar. Houston hefur tapað tveimur leikjum í röð.

Russell Westbrook skoraði 30 stig og gaf 15 stoðsendingar þegar Oklahoma City Thunder bar sigurorð af Atlanta Hawks, 120-117. Þetta var þriðji sigur Oklahoma í röð en liðið er á uppleið eftir slæma byrjun á tímabilinu.

Úrslitin í nótt:
Golden State 113-106 LA Lakers
Houston 118-128 LA Clippers
Oklahoma 120-117 Atlanta
Detroit 104-101 NY Knicks
Orlando 97-111 New Orleans
Brooklyn 119-84 Washington
Milwaukee 109-104 Charlotte
Miami 113-101 Dallas
Portland 85-102 Denver

NBA


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira