Bílar

Bíleigendur ánægðastir með Tesla, Porsche og Genesis

Finnur Thorlacius skrifar
Tesla Model S er sú bílgerð sem bíleigendur eru ánægðastir með.
Tesla Model S er sú bílgerð sem bíleigendur eru ánægðastir með.

Í nýútkominni ánægjukönnun Consumer Reports í Bandaríkjunum kemur í ljós að bíleigendur eru ánægðastir með Tesla bíla og fær Tesla 90 stig af 100 mögulegum. Í næstu tveimur sætunum koma svo eigendur Porsche bíla (85) og Genesis (81), en það er lúxusbílamerki Hyundai.

Bílgerðin Tesla Model S toppar listann yfir þær bílgerðir sem bíleigendur eru ánægðastir með. Það er svo Acura (58) bílamerkið sem vermir síðasta sætið á meðal bílamerkja, en það er lúxusbílamerki Honda. Mercedes Benz GLA er sú bílgerð sem bíleigendum líkar síst við. Bíleigendur árgerða 2015 til 2018 voru spurðir í þessari könnun Consumer Reports.

Chrysler hækkaði um 4 sæti á listanum yfir bílamerki á milli ára á meðan Hyundai lækkaði um 11 sæti og Lexus um 8 sæti. Þær bílgerðir sem bíleigendur líkaði best við voru Tesla Model S, Porsche 911, Chevrolet Corvette, Lincoln Continental, Mazda MX-5 Miata, Toyota Prius, Tesla Model X, Honda Odyssey og Dodge Challenger. Listi Consumer Reports þetta árið er svona:


  1. Tesla (90)
  2. Porsche (85)
  3. Genesis (81)
  4. Chrysler (78)
  5. Audi (76)
  6. Mazda (76)
  7. Subaru (76)
  8. Toyota (76)
  9. Honda (75)
  10. Lincoln (75)
  11. Mini (73)
  12. Ram (73)
  13. Kia (72)
  14. Chevrolet (72)
  15. BMW (72)
  16. GMC (72)
  17. Ford (70)
  18. Lexus (70)
  19. Volvo (69)
  20. Dodge (68)
  21. Jeep (68)
  22. Mercedes-Benz (67)
  23. Volkswagen (67)
  24. Hyundai (67)
  25. Buick (66)
  26. Cadillac (64)
  27. Infiniti (60)
  28. Mitsubishi (58)
  29. Nissan (58)
  30. Acura (58)



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira