Viðskipti erlent

Hagkerfi Indlands stærra en Breta og Frakka

Daníel Freyr Birkisson skrifar
Með breytingunni yrði hagkerfi Indlands það fimmta stærsta í heiminum.
Með breytingunni yrði hagkerfi Indlands það fimmta stærsta í heiminum. vísir/getty

Hagkerfi Indlands mun, árið 2018, verða stærra en hagkerfi Bretlands og Frakklands, gangi nýútgefin spá CEBR (Centre for Economics and Business Research) upp. Fréttaveita Reuters greinir frá.

Með því yrði Indland fimmta stærsta hagkerfi í heimi en Bandaríkin eru í fyrsta sæti og hafa verið til lengri tíma. Sama spá gerir hins vegar ráð fyrir því að árið 2032 muni Kína taka fram úr Bandaríkjunum.

Upphaflega hafði verið gert ráð fyrir því að Kína myndi ná Bandaríkjunum ári fyrr, það er 2031, en áherslur Donalds Trump í alþjóðaviðskiptum eru ekki jafn stórtækar og gert var ráð fyrir.

Þar segir einnig að Frakkland muni taka fram úr Bretlandi á komandi árum en það muni svo að öllum líkindum snúast við aftur.

Lækkandi verð olíu verður síðan til þess að Rússland fellur í sautjánda sæti úr því ellefta árið 2032, gangi spáin upp.

Í frétt Reuters segir einnig að hagfræðingar á þeirra vegum spái hagvexti upp á 3,5 prósent á heimsvísu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ORIGO
5,11
14
50.451
ICEAIR
2,95
34
234.414
SIMINN
2,83
27
416.767
REGINN
2,29
14
153.964
EIM
2,23
15
226.541

Mesta lækkun dagsins


Félag
Br.%
Fjöldi
Velta*
MARL
-0,39
12
242.543
SYN
-0,23
9
140.003
Velkomin á Vísi. Þessi vefur notar vafrakökur. Sjá nánar.