Það er sigling á Oklahoma City Thunder í NBA-deildinni yfir hátíðirnar en í nótt vann liðið sinn sjötta sigur í röð er það mætti Toronto.

Russell Westbrook skoraði 30 stig, gaf 13 stoðsendingar og tók 8 fráköst fyrir Thunder í nótt. Paul George var stigahæstur í liðinu með 33 stig. Thunder er 12-3 í desember.

Rajon Rondo varð elsti leikmaður í sögu NBA-deildarinnar til þess að gefa 25 stoðsendingar í leik. Því náði hann í leik New Orleans og Brooklyn í nótt. Rondo er 31 árs og 308 daga gamall. Jason Kidd var sá síðasti sem náði slíkum áfanga en það var árið 1996.

Úrslit:

Charlotte-Boston  91-102
Indiana-Dallas  94-98
Atlanta-Washington  113-99
Chicago-NY Knicks  92-87
Minnesota-Denver  128-125
New Orleans-Brooklyn  128-113
Oklahoma-Toronto  124-107
Sacramento-Cleveland  109-95
Golden State-Utah  126-101
LA Lakers-Memphis  99-109

Staðan í NBA-deildinni.