Sport

Sektaður um 600 þúsund krónur fyrir að spila í jólaskóm

Henry Birgir Gunnarsson skrifar
Það verður nú að viðurkennast að þetta eru skemmtilegir skór þó dýrir séu.
Það verður nú að viðurkennast að þetta eru skemmtilegir skór þó dýrir séu.

Forráðamenn NFL-deildarinnar hafa engan húmor fyrir einhverju skó-sprelli leikmanna og sekta grimmt ef leikmenn fara ekki eftir settum reglum.

Hlaupari New Orleans Saints, Alvin Kamara, spilaði í sérstökum jólaskóm um síðustu helgi fyrir það var hann sektaður um rúmlega 600 þúsund krónur af deildinni.

„Það var algjörlega þess virði. Ég var búinn að ákveða að gera þetta og vissi að ég myndi fá sekt. Ég mun láta gott af mér leiða í kjölfarið,“ sagði Kamara sem var aðvaraður í hálfleik en hélt áfram að spila í skónum í síðari hálfleik.

Hann setti upp styrktarsíðu á netinu til þess að borga upp sektina og afgangurinn af peningunum rennur síðan til góðgerðarmála. Kamara sagðist helst vilja gefa krökkum skó sem hafa ekki efni á því að kaupa sér skó.

Kamara er hér á ferðinni í jólaskónum. vísir/getty
NFL


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.