Bílar

Bílarnir sem hurfu í ár

Finnur Thorlacius skrifar
Mitsubishi Lancer er einn þeirra bíla sem framleiðslu var hætt á á árinu.
Mitsubishi Lancer er einn þeirra bíla sem framleiðslu var hætt á á árinu.

Hætt var að framleiða talsvert margar bílgerðir í ár og sannarlega er eftissjá í sumum þeirra, en jafn lítil hvað aðra varðar. Það eru langt í frá allar bílgerðir sem endast marga áratugina eins og Volkswagen Golf og Passat eða Toyota Corolla og Land Cruiser. Því hverfa nokkrar bílgerðir af sjónarsviðinu á hverju ári. Þróun næstu árin gæti orðið sú að margar fólksbílagerðir munu sjá sína síðustu daga á kostnað sívaxandi fjölda jepplinga og jeppa og er sú þrún reyndar þegar hafin.

Af þeim bílum sem víst er að margir munu sjá á eftir en hætt hefur verið við framleiðslu á þessu ári eru til dæmis Volkswagen CC, Eos og Scirocco, BMW Z4, Volvo S80 Rolls Royce Phantom, Mitsubishi Lancer, Subaru WRX STI sem hætt verður að framleiða fyrir Evrópumarkað, Dodge Viper, Chevrolet SS og Honda Accord Coupe.

Líklega er minni eftirsjá eftir Mitsubishi iMiEV, Honda CR-Z, Subaru Crosstrek Hybrid, Chevrolet Spark EV, Chrysler 200, Cadillac ELR, Cadillac SRX, Chrysler Town and Country, Dodge Dart, Jeep Patriot, Mercedes Benz B-Class Electric Drive, Lincoln MKS og Buick Verano. Um eftirsjána eru örugglega skiptar skoðanir, en víst er þó að hér er um að ræða býsna margar bílgerðir.

Volkswagen Sciorocco er annað dæmi.
Og BMW þriðja dæmið.


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira