Lífið kynningar

Jólakremkexið slær í gegn

,,Við erum að gæla við þá hugmynd að koma með ný tilbrigði af jólakremkexi fyrir hver jól, svona eins og jólabjórinn,“ segir Jóhannes Freyr Baldursson, framleiðslustjóri hjá Frón.
,,Við erum að gæla við þá hugmynd að koma með ný tilbrigði af jólakremkexi fyrir hver jól, svona eins og jólabjórinn,“ segir Jóhannes Freyr Baldursson, framleiðslustjóri hjá Frón. MYND/EYÞÓR

KYNNING: Kremkexið sígilda frá Frón, eða Sæmundur eins og margir kalla það, hefur verið framleitt í tugi ára og er enn ein vinsælasta kextegundin sem fyrirtækið framleiðir. Lengi vel hefur kexið verið framleitt með vanillukremi og ljósu kexi, en nýjungar í bragðefnum og nýjar vélar hafa gert starfsmönnum Fróns kleift að fara inn á nýjar brautir með kremkexið segir Jóhannes Freyr Baldursson, framleiðslustjóri hjá Frón. „Við höfum aðeins nýtt okkur þessa möguleika og ætlum okkur stærri hluti í nánustu framtíð. Nýjasta afurðin er jólakremkexið sem slegið hefur í gegn núna fyrir jólin. Við erum að gæla við þá hugmynd að koma með ný tilbrigði af jólakremkexi fyrir hver jól, svona eins og jólabjórinn.“

Nýja jólakremkexið var þróað síðasta sumar að sögn Jóhannesar og er fyrsti árgangur af jólakremkexi Fróns. „Kexskelin sjálf er krydduð með kanil, negul og engifer sem gerir kexið meira jólalegra og spes. Fyrir þann sem smakkar það þá koma jólin örugglega fyrst upp í hugann og í bragðlaukana.“


Nýja jólakremkexið inniheldur m.a. kanil, negul og engifer sem gerir kexið enn jólalegra.

Á alltaf við

Kex frá Frón hefur fylgt kynslóðum Íslendinga og það er nær alls staðar í boði segir Jóhannes. „Íslendingar borða kexið eitt og sér eða dýfa því jafnvel í mjólk, kakó eða kaffi. Kremkexið hefur verið vinsælt á veisluborðum í erfisdrykkjum og á ýmsum samkomum. Jólakremkexið er náttúrulega geðveikt gott með heitu súkkulaði og þeyttum rjóma, ég tala nú ekki um ef góð jólabók er við höndina líka. Svo er hægt að nota jólakremkexið, og reyndar þetta venjulega líka, í alls kyns eftirrétti og góðgæti til að gæða sér á um jólin. Við birtum einmitt hér tvær frábærar uppskriftir frá Eggerti Jónssyni, konditor og bakarameistara hjá ÍSAM, en þar kemur kryddið í jólakremkexinu sterkt inn.“

Starfsmenn Fróns við pökkun á kexi.

Fyrsta flokks hráefni

Jóhannes segir enga töfraformúlu á bak við vinsældir kexins frá Frón undanfarna áratugi. „Í sjálfu sér er það einfaldleikinn og fyrsta flokks hráefni sem notað er í allt kexið okkar. Áður fyrr var ekki mikið úrval af góðgæti með kaffinu, miðað við hvernig það er í dag. Þá var oft fyrsti kostur að kaupa Frónkex og eiga til uppi á hillu eða inni í búri. Kexið geymist vel þar sem það er lítill raki í því og ég held að samansafn af þessum kostum hafi gert Frónkexið svona vinsælt. Einnig má nefna að það hefur tíðkast í gegnum tíðina að litlum börnum, sem eru að taka tennur, er oft rétt mjólkur- eða matarkex til að naga og narta í við kláða og særindum í gómi. Því má segja að Íslendingar hafi byrjað snemma að smakka á Frónkexinu.“


Tvær frábærar uppskriftir frá Eggerti Jónssyni, konditor og bakarameistara hjá ÍSAM, en hér kemur kryddið í jólakremkexinu sterkt inn.

Nýtt smákökudeig

Jólakremkexið, jólasmákökurnar og jóladeigið frá Frón eru fyrirferðarmiklar vörur þessa dagana en einnig var nýtt smákökudeig kynnt til sögunnar fyrir jólin. „Það er selt í kælum búða, er með hvítu súkkulaði og trönuberjum sem okkur finnst hrikalega gott og hefur fengið góðar viðtökur. Ég legg til að allir prófi að taka það með í næstu ferð og baka heima. Síðan er verið þróa ýmsar nýjungar og landinn getur örugglega treyst á sumarkremkex með hækkandi sól.“



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.