Veiði

Fín skilyrði fyrir ísdorg

Karl Lúðvíksson skrifar

Kuldinn sem herjað hefur á landsmenn síðustu daga er kannski ekki auðfúsugestur en það eru samt nokkrir sem fagna frosti.

Þeir sem á annað borð eru veiðimenn af lífi og sál láta ekki smámuni eins og frost eða vetur slá sig út af laginu heldur aðlaga sig bara að þessum skilyrðum og fara að veiða.  Það var mjög vinsælt fyrir fáum áratugum að veiða í gegnum ís en ótraustur ís hefur verið vandfundin á hlýjum vetri en svo er ekki í dag.  Gaddfrostið sem hefur setið yfir landinu hefur gert ís á mörgum vötnum þykkan og góðan svo nú eru fínar aðstæður til að reyna fyrir sér í ísdorgi.

Það skal þó ávalt minna veiðimenn á að kanna aðstæður við ísinn vel, fara alls ekki út á ótraustan ís og vera vel búinn.  Þeir sem eru með veiðikortið geta stundað dorgveiði út á kortið í nokkrum vötnum sem eru innan þess en það eru vissulega fleiri vötn þar sem hægt er að stunda dorgveiði.  Flestar veiðibúðir selja búnað sem þarf til að veiða í gegnum ís t.d. ísbor en það er líka hægt að nota bara litla exi.  Besta beitan þykir oft vera rækja sem hefur fengið að slá aðeins í og svo er þetta bara slurkur af þolinmæði en þetta er líka, þegar vel gengur, afskaplega skemmtileg veiði. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.