Handbolti

Annað tap Álaborgar í röð

Henry Birgir Gunnarsson skrifar
Aron á hliðarlínunni hjá Álaborg.
Aron á hliðarlínunni hjá Álaborg. mynd/álaborg
Það gengur ekki vel hjá liði Arons Kristjánssonar, Álaborg, sem í kvöld mátti sætta sig við tap, 30-28, gegn Nordsjælland sem er í neðri hluta dönsku úrvalsdeildarinnar.

Leikmenn Álaborgar voru að elta allan leikinn og sigur heimamanna sanngjarn.

Janus Daði Smárason átti ekki sérstakan leik frekar en flestir leikmenn Álaborgar. Hann skoraði aðeins eitt mark í fimm skotum en lagði upp tvö önnur.

Vignir Svavarsson komst ekki á blað er lið hans, Team Tvis Holstebro, tapaði, 29-26, gegn SönderjyskE.

Íslendingaliðin eru í fjórða og fimmta sæti deildarinnar.




Fleiri fréttir

Sjá meira


×