Enski boltinn

Kroos segir Scholes betri en Lampard og Gerrard

Ingvi Þór Sæmundsson skrifar
Paul Scholes fagnar marki í leik með Manchester United.
Paul Scholes fagnar marki í leik með Manchester United. vísir/getty
Toni Kroos, leikmaður Spánar- og Evrópumeistara Real Madrid og þýska landsliðsins, segir að Paul Scholes hafi verið betri leikmaður en Frank Lampard og Steven Gerrard.

Kroos var spurður að því á Twitter hver þeirra þriggja væri bestur. Að mati Þjóðverjans er það Scholes sem lék allan sinn feril með Manchester United, félagi sem Kroos hefur oft verið orðaður við.

Samanburðurinn á Scholes, Lampard og Gerrard hefur verið eitt vinsælasta umræðuefnið í enska boltanum í mörg ár og sitt sýnist hverjum.

Kroos og félagar hans í Real Madrid eru núna staddir í Sameinuðu arabísku furstadæmunum þar sem þeir freista þess að verja heimsmeistaratitil félagsliða.

Real Madrid mætir Al-Jazira í undanúrslitum í Abú Dabí síðdegis.




Fleiri fréttir

Sjá meira


×