Enski boltinn

Guardiola: Blindur maður sér hversu góður Silva er

Ingvi Þór Sæmundsson skrifar
David Silva skoraði tvívegis þegar Manchester City vann 0-4 útisigur á Swansea City í ensku úrvalsdeildinni í gær. Þetta var fimmtándi sigur City í röð sem er met í efstu deild á Englandi.

Pep Guardiola, knattspyrnustjóri City, hrósaði Silva í hástert eftir leikinn á Liberty vellinum í gær.

„Hann er mikill keppnismaður. Það vita allir hversu góður hann er, blindur maður sér það, en það er ekki hægt að líta framhjá hversu mikill keppnismaður hann er,“ sagði Guardiola.

„Það er stíll yfir honum en hann er dýr. Hann vill alltaf vinna,“ bætti Spánverjinn við.

Silva hefur skorað fjögur mörk í síðustu þremur leikjum City í ensku úrvalsdeildinni.


Tengdar fréttir




Fleiri fréttir

Sjá meira


×